హర్రర్.. ‘రెప్పలు లేని’ 116 ఏళ్లనాటి ఆ బొమ్మ కళ్లు మూసుకుంది!

అమ్మో బొమ్మ.. దెయ్యాలు, భూతాలు నిజంగానే ఉంటాయా? అవి బొమ్మల్లోకి ప్రవేశిస్తాయా? ఈ ప్రశ్నకు చాలామంది ఔననే సమాధానం ఇస్తున్నారు. అంతేకాదు.. ఈ నేపథ్యంతో హాలీవుడ్, బాలీవుడ్, టాలీవుడ్‌లో కూడా ఎన్నో సినిమాలు తెరకెక్కాయి. వాస్తవిక కథనాలతో రూపొందించిన కొన్ని హాలీవుడ్ సినిమాల్లో కూడా బొమ్మలే విలన్లు.

సినిమా విషయం పక్కన పెడితే.. ఇంగ్లాండ్‌లోని నట్టింగ్‌హమ్‌షిర్‌లోని మ్యాన్స్‌ఫీల్డ్ గల ‘ద విలేజ్ ఆఫ్ డామ్నేడ్’ అనే శిథిల భవనంలోకి వెళ్లిన పరానార్మల్ ఇన్వెస్టిగేటర్లు క్రిగ్ జోన్స్ (28), మట్ వుడ్ (48)లు అక్కడ అసాధారణ వాతావరణం ఉన్నట్లు కనుగొన్నారు. ఆ భవనంలోకి అడుగు పెట్టగానే వారు అస్వస్థతకు గురయ్యారు. తీవ్రమైన తలనొప్పితో కళ్లు బైర్లు కమ్మాయి. అలాగే భవనంలో ఎవరో నడుస్తున్న అడుగుల శబ్దాలు కూడా వినిపించాయి.

ఈ ఇన్వెస్టిగేషన్‌కు వారు కను రెప్పలు లేని ‘జనెట్’ అనే బొమ్మను కూడా తీసుకెళ్లారు. దానితో వారిద్దరు సెల్ఫీ తీసుకున్నారు. చిత్రం ఏమిటంటే.. ఆ బొమ్మకు కనురెప్పలు లేకపోయినా.. సెల్పీలో కళ్లు మూసుకున్నట్లుగా కనిపించింది. అంతేకాదు, మూసి ఉన్న కళ్లకు మస్కారా కూడా ఉంది. ‘‘ఫొటోలో బొమ్మ కళ్లు, నోరు మూసినట్లు ఉండటం చూసి ఆశ్చర్యపోయాం. మేము ఏమైనా భ్రమ పడ్డమా అనే అనుమానంతో బొమ్మ ముఖంపై టార్చ్‌లైట్ వేసి చూశాం. చిత్రం ఏమిటంటే.. దానికి కళ్లు పూర్తిగా లేవు. కానీ, ఫొటోలో ఆ కను రెప్పలు ఎలా వచ్చాయనేదే ఆశ్చర్యం. కాసేపు గందరగోళానికి గురయ్యాం’’ అని క్రీగ్ తెలిపాడు. ఆ ఫొటో తర్వాత మళ్లీ మళ్లీ పరీక్షించేందుకు ఎన్నో ఫోటోలు తీసుకున్నాం. కానీ అలాంటి ఫొటో రాలేదన్నాడు

సుమారు 116 ఏళ్ల నాటి ఈ బొమ్మ 1903లో టెక్సాక్స్‌కు చెందిన ఓ కుటుంబం వద్ద ఉండేది. ప్రస్తుతం ఇది మికి యార్క్ అనే పరానార్మల్ ఇన్వెస్టిగేటర్ వద్ద ఉంది. ఈ బొమ్మను తీసుకెళ్లాలంటూ జులీ అనే మహిళ ట్విట్టర్ ద్వారా మికి యార్క్‌ను కోరడంతో ఆయన దాన్ని తనతోనే ఉంచుకున్నారు. ఈ బొమ్మను జూలీ అమ్మమ్మ వాళ్ల అమ్మమ్మ ఇచ్చింది. ఇది ఇంట్లో ఉన్నంత కాలంలో అసాధారణ వాతావరణం, ఎవరో మెట్లు ఎక్కుతున్న చప్పుడు, ఏవేవో వింత శబ్దాలు వినిపించేవని జూలీ చెప్పిందని మికి తెలిపారు. భయంతో ఆమె ఆ బొమ్మను అటక మీద పడేసినా శబ్దాలు వినిపిస్తూనే ఉండవని ఆమె తెలిపిందన్నారు.

Leave a Reply

Your e-mail address will not be published. Required fields are marked *